एमाले डडेल्धुराको नेतृत्वका लागी चुनाव हुने,ओझा र साउँद भिड्दै
डडेल्धुरा- नेकपा एमाले डडेल्धुराको नेतृत्वका लागी आकांक्षीबीच सहमति नजुटेपछि चुनाव हुने भएको छ।
सहमति नभएपछि वर्तमान अध्यक्ष प्रकाश साउँद र अमरगढी नगरपालिकाका मेयर विशेश्वरप्रसाद ओझा (विपिन)ले अध्यक्षमा उम्मेदवारी दर्ता गराएका छन्। शुक्रबार सुरु भएको आठौँ जिल्ला अधिवेशनले शनिबार नयाँ नेतृत्व चयन गर्ने तयारी गरेको थियो तर सहमति भने जुट्न सकेन । नयाँ नेतृत्वका लागि आइतबार (आज) निर्वाचन हुने बताइएको छ ।
यस्तै उपाध्यक्षमा केशव बोहरा, धनबहादुर धामी (विवेक) र रूपसिंह ठकुराठीको उम्मेदवारी परेको छ। जिल्ला सचिवका लागि करन ताम्राकार र गजेन्द्र शाहीबीच प्रतिस्पर्धा हुने भएको छ।
प्रकाशित मिति: आइतबार, पुस २५, २०७८ ११:२७
प्रतिक्रिया दिनुहोस्
थप डडेल्धुरा
