धादिङमा सडक खन्ने क्रममा पहिरो जाँदा तीन जना बेपत्ता
धादिङ –धादिङमा सडक खन्ने क्रममा पहिरो जाँदा तीन जना बेपत्ता भएका छन् ।
रुबीभ्याली गाउँपालिका–१ पुरु नजिकै तिप्लीङको लबदुङबाट लिङ्जोतर्फ जाने सडक खन्ने क्रममा पहिरोमा जाँदा डोजरसहित तीन जना बेपत्ता भएका हुन् ।
बेपत्ता हुनेमा डोजर चालक, सहचालक र एक जना बाटो निर्माण समितिका पदाधिकारी रहेका तिप्लीङका शिक्षक नरबहादुर घलेले बताए ।
बेपत्ताको परिचय खुल्न सकेको छैन ।
घटनाको थप विवरण आउन बाँकी रहेको जिल्ला प्रहरी कार्यालय धादिङका डीएसपी जागेश्वर भण्डारीले बताए ।
-उज्यालो अनलाइनबाट
प्रकाशित मिति: बिहीबार, पुस २९, २०७८ १२:३३
प्रतिक्रिया दिनुहोस्
