बैतडी –बैतडीमा एक विद्यालयका विद्यार्थीहरुलाई न्यानो लुगा वितरण गरिएको छ । पाटन नगरपालिका ४ ढकालीस्थित भगवती आधारभूत विद्यालयमा अध्ययनरत ८१ जना बालबालिकाहरुलाई न्यानो लुगा वितरण गरिएको हो । डडेल्धुराको अमरगढी नगरपालिका ५ निवासी दीपक भट्टले सेवक मित्र संस्था मार्फत व्यक्तिगत लगानिमा न्यानो लुगा वितरण गरिएको हो । 

चिसोको समयमा बालबालिकाहरुलाई सहज होस भनेर न्यानो लुगा वितरण गरिएको हो । यस्तै सेवक मित्र संस्थाले प्रति विद्यार्थी १५ अण्डा समेत वितरण गरेको छ । बालबालिकाहरुको पोषणस्थितीमा सुधार ल्याउनका लागि अण्डा वितरण गरिएको हो ।