कुटपीटबाट घाइते भएका डडेल्धुराका भण्डारीको मृत्यु
कैलाली –कुटपिटबाट गम्भीर घाइते भएका डडेल्धुराको अजयमेरु गाउँपालिका ६ का ५६ वर्षीय गोबर्धन भण्डारीको उपचारको क्रममा मृत्यु भएको छ । उनको बिहीबार दिउँसो मृत्यु भएको प्रहरीले जनाएको छ ।
लेनदेनको विषयलाई लिएर सोही ठाउँ बस्ने ३८ वर्षीय नन्दे सिंह भण्डारीले भागेश्वर गाउँपालिका ६ राडिलमा बुधबार बिहान कुटपिट गर्दा गम्भीर घाइते भएका गोबर्धनको माया मेट्रो अस्पताल धनगढीमा उपचारको क्रममा मृत्यु भएको हो ।
घटनाको खबर प्राप्त हुनासाथ जिल्ला प्रहरी कार्यालय डडेल्धुरा र प्रहरी चौकी देवल दिव्यपुरबाट खटिएको प्रहरीले नन्दे सिंहलाई नियन्त्रणमा लिएर अनुसन्धान गरिरहेको प्रहरीले जनाएको छ ।
प्रकाशित मिति: शुक्रबार, पुस ३०, २०७८ १५:४०
प्रतिक्रिया दिनुहोस्
थप कैलाली
