बैतडीको दशरथचन्द नगरपालिका वडा नं। ३ ले जेष्ठ नागरिक, अपाङ्गता भएका व्यक्ति तथा दलितहरुलाई कम्बल  वितरण गरेको छ । लैङ्गिक समानता कार्यक्रम अन्तर्गत जेष्ठ नागरिक, अपाङ्ग तथा दलित कोषबाट कम्बल वितरण गरिएको वडा अध्यक्ष दाम बहादुर क्षेत्रीले बताए । 

चिसोको समयमा न्यानोका लागि राहत होस भन्ने उद्देश्यले कम्बल बितरण गरेको वडा अध्यक्ष क्षेत्रीको भनाइ छ । जेष्ठ नागरिक,अपांगता भएका व्यक्ति तथा दलित तिनै बर्गका नागरिकहरूलाई ९० ओटा कम्बल वितरण गरिएको प्रेस युनियन बैतडीका कोषाध्यक्ष धन बहादुर क्षेत्री जगदीशले जानकारी दिए । 

जेष्ठ नागरिक, दलित तथा ग र घ वर्गका अपांग नागरिकहरूलाइ न्यानो कपडाहरू वितरण गरिएको वडा कार्यालयले जनाएको छ ।