बैतडी- बैतडीको पाटन नगरपालिका वडा नं ९ ले वडा भरिका ५० जना धार्मिक अगुवाहरूलाइ सम्मान गरेको छ । वडा कार्यालयमा भएको एक कार्यक्रमका बिच दोसल्ला नगद र कर्मकाण्ड किताब सहित बुधवार सम्मान गरिएको जनाएको छ ।
वडाभरिका धार्मिक व्यक्तित्व , विभिन्न शक्ति पिठका पुजारी , धामी लगायत समाजका प्रतिष्ठित व्यक्तिहरूको समाजमा विशेष योगदान रहने भएकोले सम्मान गरिएको वडा सचिव राम दत्त जोशीले बताएका छन ।
समाजमा धर्मका नाममा भइरहेका बिकृति कम गर्नुपर्नेमा अन्तरक्रियाका सहभागीहरूले जोड दिएका थीए । धर्मका नाममा भइरहेका बृकिति कम गर्न , जातियताका नाममा हुने भड्किला गतिविधिहरूमा कमि ल्याउन सबैले पहल गर्नुपर्नेमा डाँडा बागका धामी गणेश सिंह भण्डारीको जोड थियो ।
समाजमा पुजारी ,धामी झाक्रीहरूको विश्वसनीयता अझै धेरै रहेकोले उहाँहरूले समाज सुधारमा योगदान पुर्याउन सक्नेभएकोले आजको सम्मान कार्यक्रम तथा अन्तरक्रिया आयोजना गरेको कार्यक्रमका अध्यक्ष तथा वडा नं ९ का अध्यक्ष लोक बहादुर भण्डारीले बताए ।
आजको सम्मान कार्यक्रमको अध्यक्षता वडा नं ९ का अध्यक्ष लोक बहादुर भण्डारीले गरेका थिए भने कार्यक्रममा अन्य स्थानीय ,बुद्धिजीवी लगायत जनप्रतिनिधिको समेत सहभागीता रहेको थियो ।
