बैतडी-बैतडीको दशरथचन्द नगरपालिका वडा नं ६ मा नगर स्तरीय  भेट्रान भलिबल प्रतियोगीता सम्पन्न भएको छ । दशरथचन्द नगरपालिका वडा नं ६ र श्री कालिका माध्यमिक बिधालय थालिगडाको आयोजनामा बुधबार खेल सम्पन्न भएको हो ।

 दान बहादुर चन्दले आफ्ना बुवा समाजसेवी स्वर्गीय गगन चन्दको स्मृतीमा विगत ३ बर्ष देखि गगन चन्द डिभाइन फाउण्डेशन द्धारा भलिबल प्रतियोगिता सञ्चालन गर्दै आएको फाउन्डेसनका संयोजक गोविन्द राज जाशीले बताए । त्यसै अनुरूप यस बर्ष पनि खेल आयोजना गरिएको जनाएको छ ।

 बुधवार सम्पन्न  प्रतियोगिताको उपाधी द न पा वडा नं ८ ले हात पारेको छ । द्वितिय स्थान वडा नं ६ ले हात पारेको छ भने तृतिय स्थान वडा नं १ ले हात पारेको छ । प्रथम हुने टिम लाई दान बहादुर चन्द ज्युकी भाउजु  मथुरा देवि चन्दले पुरष्कार स्वरूप रु। ५१ हजार प्रदान गर्नुभएको छ ।  त्यस्तै द्वितिय हुने टिमलाइ वडा अध्यक्ष गजेन्द्र सिंह रावलले रू।३१ हजार र तृतिय हुने टिमलाइ फाउण्डेशनका संयोजक गोविन्द राज जोशीले नगद रु। २१ हजार सहित कप,मेडल र प्रमाणपत्र प्रदान गर्नुभएको छ । 

स्थानीय स्तरका खेलाडीहरूलाई खेल प्रति अभिरुचि जगाउन प्रतियोगिताको आयोजना गरिएको आयोजकले जनाएको छ। स्वर्गीय गगन  चन्द सामाजिक व्यक्तित्व भएका कारण उहाँका प्रेरणादायी कामहरूलाइ अमर राख्न पनि यस्ता कार्यक्रमको आयोजना हुनुपर्नेमा खेलाडीहरूले जोड दिएका छन । मनकारी दान बहादुर चन्द प्रति बैतडीका नगरिकमा धेरै आशा भरोसा देखिन्छन् । खेल श्री कालिका माध्यमिक बिधालय थालिगडाको प्राङ्गणमा बुधवार सम्पन्न भएको हो ।