बैतडी- रेडियो निङ्गलाशैनी ९४ मेगाहर्ज बैतडीका प्रबन्ध निर्देशक महेश अवस्थीको जन्मदिनको अवसर पारेर विपन्न परिवारलाई कम्मल बितरण गरेको छ । आफ्नो जन्मदिनको अवसरमा विपन्न परिवारलाई चिसोबाट बच्नका लागि कम्बल वितरण गरेको सिवांश हेल्प फाउन्डेसनका सञ्चालक सुरेश अवस्थीले बताए ।
पाटन नगरपालिकाका २ परिवार , दशरथचन्द नगरपालिकाका ३ गरि पाँच ओटा विपन्न परिवारलाई कम्मल वितरण गरिएको जनाएको छ । जन्मदिनकै अवसरमा लोकप्रिय कार्यक्रम म्युजिक मस्तीका २० जना सहभागीहरूलाई हौसला स्वरूप पुरस्कार वितरण गरेको कार्यक्रम सञ्चालिका कमला सुवेदीले जानकारी दिए ।
चिसोको समयमा न्यानोको रूपमा कम्मल पाएपछि खुसि लागेको विपन्न परिवारका सदश्यहरूले बताएका छन। यस अघि पनि सिवांश हेल्प फाउन्डेसनबाट थुप्रै गरिब दुखिहरूलाइ उपचार खर्च जुटाउने , पिडितहरूलाइ राहत उपलब्ध गराउने , आर्थिक सहयोगको लागि अभियान चलाउने लगायतका सहयोगका गतिविधि प्रबन्ध निर्देशक अवस्थीले गर्दै आएका छन ।
दुखमा पर्दा सहयोगको महत्त्व के हुन्छ भन्ने कुरा छोरा शिवांस लाई कलेजो प्रत्यारोपण गर्दा महसुस गरिसकेकोले आउदा दिनहरूमा पनि सिवांश हेल्प फाउन्डेसनबाट सकेको सहयोग गर्ने निर्देशक अवस्थीले बताएका छन ।
