बैतडी-संस्कृति, पर्यटन तथा नागरिक उड्डयन मन्त्री प्रेमबहादुर आले फेरि विवादमा तानिएका छन् अश्लिल गालीगलौजको अडियो सार्वजनिक भए संगै फेरि विवादमा तानिएका हुन् ।
भारतको मुम्बई बस्ने एक नेपाली युवकसंगको कुराकानिमा युवकलाई अश्लिल गाली गर्दै ‘ठाउँको ठाउँ उडाइदिने’ धम्की दिएका आले यतिवेला सामाजिक सञ्जालमा भाइरल बनेका छन् ।
यतिवेला धम्की दिएको अडियो–भिडियो दुवै सामाजिक सञ्जालमा भाइरल बनेको छ । आफूलाई सामाजिक सञ्जालमा कमेन्ट गरेको भन्दै आलेले ती युवकलाई निकै तल्लोस्तरको भाषामा गाली गरेका छन् । अडियोका अनुसार उनले ती युवकलाई बसेकै ठाउँबाट उठाइदिने धम्कीसमेत दिएका छन् ।
निरन्तररूपमा मन्त्री आले तथा नेकपा एकीकृत समाजवादीका नेताहरूविरुद्ध सामाजिक सञ्जालमा असभ्य टिप्पणी गरिएको भन्दै पर्यटनमन्त्री आलेका प्रमुख स्वकीयसचिव हेमन्त रेग्मीले विरोध जनाएका छन् ।
यस्तै मन्त्री आलेको सचिवालयले भने तथ्यहीन आरोप लगाएर बदनाम गराउन खोजिएको भन्दै आपत्ति जनाएको छ ।
सार्वजनिक पदमा नहुँदाका बखत भएका अनौपचारिक एवं व्यक्तिगत विषयलाई अनधिकृतरूपमा बाहिर सार्वजनिक गरी मन्त्रीको छविमा आँच आउने काम गरिएको भन्दै दोषीमाथि कडा कारबाही गर्न सचिवालयको माग छ ।
