कैलालीमा ट्रक दुर्घटना हुँदा १२ जना घाइते
धनगडी–कैलालीको गौरीगंगा नगरपालिका–१० मा ट्रक दुर्घटना हुँदा १२ जना घाइते भएका छन् । आइतबार बेलुकी जिल्लाको गौरीगंगा नगरपालिका–१० गणेश सामुदायिक वनस्थित हसुलिया बडैपुर सडकखण्डमा ट्रक दुर्घटनामा परेको हो ।
हसुलियाबाट धनगढी आउँदै गरेको सुपप्र ०१००१ क २०२७ नम्बरको मिनीट्रक पल्टिएर दुर्घटना भएको प्रदेश ट्राफिक प्रहरी कार्यालय अत्तरियाले जनाएको छ ।
घाइतेहरुको सौगात मेडिकल हल मसुरियामा उपचार भइरहेको र घाइते १२ जनामध्ये ५ जनालाई धनगढीस्थित निर्सग हस्पीटलमा रिफर गरिएको बताइएको छ ।
प्रकाशित मिति: सोमबार, फागुन ९, २०७८ ०९:०५
प्रतिक्रिया दिनुहोस्
थप कैलाली
