धनगडी–कैलालीमा विवाहमा भएको कुटपिटबाट एक युवकको मृत्यु भएको छ । जिल्लाको भजनी नगरपालिका ९ का स्थानीय २५ वर्षीय बसन्त चौधरीको आइतबार राति मृत्यु भएको हो ।

नाचगान गर्ने क्रममा विवाद भएपछि झगडा भएको बताइएको छ । प्रहरीका अनुसार विवाहमा बसन्तसहित सोही ठाउँ बस्ने  २० वर्षीय दिनेश बिष्ट, गणेश सिंह, २५ वर्षीय लक्ष्मण बराल, २३ वर्षीय किशन बडैला, २३ वर्षीय प्रदिप कार्की, २५ वर्षीय दिपक अवस्थी लगायतका व्यक्तिहरू झडपमा कुटपिटबाट गम्भीर घाइते भएका छन् ।

बसन्त चौधरीको घोडाघोडी अस्पताल सुख्खड कैलाली हुँदै मेडिकल कलेज कोहलपुरमा उपचारको क्रममा मृत्यु भएको प्रहरीले जनाएको छ । यस्तै प्रहरीले कुटपिटमा संलग्न ४ जनालाइ नियन्त्रणमा लिएर थप अनुसन्धान थालेको बताएको छ ।

#दिनेशखबर#