बैतडी- बैतडीमा सोमबार दिउँसो भएको टिप्पर दुर्घटनामा थप एक जनाको मृत्यु भएको छ । उपचारको लागि डडेल्धुरा लैजाँदै गर्दा बाटोमै मृत्युु भएको इलाका प्रहरी कार्यालय पाटनका प्रमुख प्रहरी निरिक्षक राजेश शाहीले बताए । थप मृत्युु हुनेमा पाटन न पा ३ बर्ष १२ का राजेश पन्त रहेका छन ।

दुर्घटनाका थप पाँच जना घाइते मध्ये २ जना गम्भीर रहेका छन भने ३ जना सामान्य रहेका बताइएको छ । घाइतेहरूको थप उपचारको लागि डडेल्धुरा पठाएको प्रहरीले जनाएको छ । दुर्घटनामा परेर ३ जनाको घटनास्थलमै मृत्युु भइसकेको छ । घटनास्थलमै मृत्यु हुनेमा पाटन ३ का ४५ वर्षिय जनक राज पन्त , पाटन ३ कै १२ वर्षिय ज्ञानु बिष्ट , र १७ वर्षिय ललित अवस्थी रहेका छन । घटना के कति कारणले भएको हो भन्ने बारे अनुसन्धान भइरहेको प्रहरीले जनाएको छ । टिप्पर चालक फरार रहेका छन ।