बैतडी –नेकपा एमाले बैतडीले दशरथचन्द नगरपालिका वडा नं ७ मा पार्टीको वडा कार्यालय उद्दघाटन गरेको छ । वार्ड कमिटिको विस्तारित बैठकसंगै शुक्रबार पार्टीको वडा कार्यालय उद्दघाटन गरिएको एमाले नगर कमिटि सचिव मनोज बोहराले बताए ।
वार्ड कमिटिका उपाध्यक्ष हिरा बडुको अध्यक्षतमा भएको विस्तारित बैठकमा एमालेका केन्द्रिय सदस्य एवं जिल्ला सहइन्चार्ज लिलाधर भट्ट प्रमुख अतिथी रहेका थिए । बैठकमा प्रदेश कमिटि सदस्य पुष्करराज जोशी (लख्खाभाई), जिल्ला उपसचिव सरस्वती नेपाली लगायतका नेता कार्यकर्ताहरुको उपस्थिती रहेको थियो ।
विस्तारित बैठकमा अखिल नेपाल शिक्षक संगठनका जिल्ला कमिटि सदस्य गोपाल बडु लगायतले माओवादी केन्द्रबाट एमालेमा प्रवेश गरेको बोहराले बताए । यस्तै नेपाली कांग्रेसबाट पनि एकदर्जन बढी कार्यकर्ताले एमालेमा प्रवेश गरेको उनले दाबी गरे ।
नवप्रवेशीहरुलाई पार्टीका केन्द्रिय सदस्य एवं जिल्ला सहइन्चार्ज भट्टले पार्टीमा स्वागत गरेको बोहराले बताए ।
