बैतडी –पाटन क्रिकेट क्लबको आयोजनामा कृष्ण माविको खेलमैदानमा जारी पाटन प्रिमियर लिगमा आज ३ खेल सम्पन्न भएका छन् । कृष्ण मावि पाटन र गढी क्रिकेट क्लबबीच भएको पहिलो खेलमा गढी क्रिकेट क्लब विजयी भएको छ । टस हारेर ब्याटिङको निम्तो पाएको कृष्ण माविले ११.३ ओभरमा अलआउट हुदै १०५ रन बनाएको हो । टेकेन्द्र बिष्टले ४९ रनको योगदन गरे । १०६ रनको बिजयी लक्ष्य पछ्याएको गढीले १३.२ ओभरमा ५ विकेटको क्षतिमा लक्ष्य भेट्टायो ।
यसैगरी आजै युनिक स्टार र बाराकोट क्रिकेट क्लबका बिच भएको खेलमा युनिक स्टारले जित हात पारेको छ । टस जितेर ब्याटिङ् गरेको बाराकोटले ११ ओभरमा अलआउट हुदै ८८ रन मात्रै बनाउन सक्यो । बाराकोटका रोहित बिष्टले २३ रन बनाए । युनिकस्टारका दिपेन्द्र भण्डारी ४ तथा धिरेन्द्र चन्दले ३ विकेट हात पारे । ८९ रन बिजयी लक्ष्य पछ्याएको युनिक स्टारले ११.४ बलमा ७ विकेटको क्षतिमा लक्ष्य भेट्टायो । बिरेन्द्र भण्डारी ३८ रन तथा हेमन्त चन्दले १६ रन बनाए । बाराकोटका धिरज रावलले ४ बिकेट लिए ।
यसैगरी आजै पाटन नगरपालिका र भुमेश्वर युवा क्लबबीच भएको खेलमा पाटन नगरपालिकाले जित हात पारेको छ । टस जितेर ब्याटिङ गरेको नगरपालिकाको टोलीले निर्धारीत १५ ओभरमा ६ विकेट गुमाएर २०३ रनको उच्चस्कोर खडा गर्यो । पाटन नगरपालिकाका सन्तोस बिजलेले ८५ रन र यज्ञराज भट्टले ५२ रनको अर्धसतकिय सानदार पारी खेले । भुमेश्वरका नविन बिष्टले ४ बिकेट लिए । २०४ रनको विजयी लक्ष्य पछ्याएको भुमेश्वरले ७ ओभर ३ बलको खेलमा अलआउट हुदै ४६ रन मात्रै बनाउन सक्यो । भुमेश्वरका उमेस महराले १८ रन बनाउन बाहेक अन्य ब्याट्सम्यानले राम्रो प्रदर्शन गर्न सकेनन् । पाटनका सन्तोस बिजलेले ४ विकेट लिए ।
प्रतियोगितामा १५ टोलीको सहभागिता छ ।
