बैतडी –पाटन क्रिकेट क्लबको आयोजनामा कृष्ण माविको खेलमैदानमा जारी प्रथम पाटन प्रिमियर लिगको फाईनलमा कैलपाल क्रिकेट क्लब र आयोजक पाटन क्रिकेट क्लब भिड्न् भएका छन् । कैलपालले ग्वाल्लेकलाई र आायेजकले पाटन एकेडेमिलाई हराउदै फाईनलको लागि स्थान सुनिश्चित गरेका हुन् ।
आज भएको पहिलो खेलमा कैलपालले ग्वाल्लेकलाई १३७ रनले हराएको हो । टस हारेर ब्याटिङ् गरेको कैलपालले १९.४ ओभरमा अलआउट हुदै २३७ रन बनायो । प्रदिप चन्दले ६६ र बिरेन्द्र बोहराले ४१ रन बनाए । ग्वाल्लेकका पिताम्बर जोसीले ३, बिरेन्द्र बोहरा र दिपक जोसीले दुई दुई विकेट लिए । २३८ रनको लक्ष पच्छ्याएको ग्वाल्लेकले १०.२ ओभरमा सबै विकेट गुमाएर १०० रन मात्रै बनाउन सक्यो । ग्वाल्लेकका पिताम्बर जोसीले ३१ र पंकज जोसीले २१ रन बनाए । कैलपालका सन्तोस चन्दले ४ बिकेट लिए । कैलपालका प्रदिप चन्द म्यन अफ द म्याच चुनिए ।
यसैगरी आयोजकले पाटन एकेडेमीलाई १२८ रनले हराएको छ । टस हारेर ब्याटिङ गरेको आयोजकले २० ओभरमा सबै बिकेट गुमाएर १७४ रन बनायो । आयोजक पाटन क्रिेकट क्लबका प्रकाश बुडालले ४३ र सन्नी बिष्टले ३१ रन बनाए । एकेडेमीका सन्तोस जोसीले ४ र सुसांक चन्दले ३ विकेट लिए । १७५ रनको बिजयी लक्ष पच्छ्याएको एकेडेमीले ८.२ ओभरमा अलआउट हुदै ४६ रन मात्रै बनायो । एकेडेमीका हरिश बिष्टले १८ रन बनाउन बाहेक अन्य ब्याट्सम्यानले राम्रो प्रदर्शन गर्न सकेनन् । आयोजकका सन्नी बिष्टले ५ तथा दिपेन्द्र चन्दले ३ विकेट लिए । आयोजकका सन्नी बिष्ट म्यान अफ द म्याच चुनिए ।
भोली बिहान १० बजे देखि आयोजक पाटन क्रिकेट क्लब र कैलपाल क्रिकेट क्लबकाबीच फाईनले खेल हुने स्कोरर किरन चन्दले बताए ।
