बैतडीको दोगडाकेदारमा एमालेको प्रशिक्षण, १०५ जनाले गर्यो एमालेमा प्रवेश
बैतडी – नेकपा एमालेले बैतडीका विभिन्न स्थानीय तहमा प्रशिक्षण तथा कार्यकर्ता भेला कार्यक्रममा तीव्रता दिएको छ । आज बैतडीको दोगडाकेदार गाउँपालिकामा आयोजना गरिएको कार्यकर्ता प्रशिक्षण एवं भेटघाट कार्यक्रममा १ सय ५ जनाले एमालेमा प्रवेश गरेको एमाले बैतडीका प्रचार तथा प्रकाशन विभाग प्रमुख लोकबहादुर भण्डारीले बताए ।
नेकपा माओवादी केन्द्रका जिल्ला कमिटि सदस्य एवं पालिका कमिटि उपाध्यक्ष नरेन्द्रसिंह कार्की सहित १ सय ५ जनाले विभिन्न पार्टी परित्याग गरी एमालेमा प्रवेश गरेको उनले बताए ।
प्रशिक्षण एवं कार्यकर्ता भेला कार्यक्रममा एमालेका केन्द्रिय सदस्य लिलाधर भट्ट, प्रदेश कमिटि अध्यक्ष दामोदर भण्डारी, जिल्ला कमिटि अध्यक्ष सुरेन्द्र पाल, जिल्ला सचिव चक्र कार्की लगायतका नेता कार्यकर्ताहरुको सहभागिता रहेको थियो ।
प्रकाशित मिति: मंगलबार, फागुन २४, २०७८ १७:१६
प्रतिक्रिया दिनुहोस्
लोकप्रीय
