बैतडी –अन्तर्राष्ट्रिय महिला दिवस बैतडीमा पनि विभिन्न कार्यक्रमको आयोजना गरी मनाइएको छ । जिल्लाका सबै स्थानीय तहमा विभिन्न कार्यक्रमको आयोजना गरी दिवस मनाइएको हो ।
सामाजिक न्याय र लैंगिक समानता, दिगो विकासको सुनिश्चितता भन्ने मूल नाराका साथ दिवस मनाइएको हो । दिवसको अवसरमा पाटन नगरपालिकाले विभिन्न सचेतनामूलक कार्यक्रमको आयोजना गरेको नगरपालिकाका उपप्रमुख सरस्वती कोलीले बताइन् ।
दिवसको अवसरमा ड्यौडा कार्यक्रम, म्युजिकल चियर, घैटौं फोड्ने लगायतका कार्यक्रम सम्पन्न भएका छन् । यस्तै दशरथचन्द नगरपालिकाले दिवसको अवसरमा अन्तरक्रिया सम्पन्न गरेको छ ।
यस्तै मेलौली नगरपालिकामा पनि विभिन्न कार्यक्रमको आयोजना गरी दिवस मनाइएको छ । बैतडीका विभिन्न स्थानीय तहमा सरकारी तथा गैर सरकारी निकायहरुको पहलमा दिवस मनाइएको हो । संयुक्त राष्ट्रसंघीय जनसंख्या कोष, भिएसओ, पिसवीन,रुडेस लगायतका संघसंस्थाहरुको सहयोगमा दिवस मनाइएको हो ।
