बैतडीको पञ्चेश्वरमा माओवादी केन्द्रका पालिका कमिटि अध्यक्ष एमालेमा प्रवेश
बैतडी –नेकपा माओवादी केन्द्रका पञ्चेश्वर गाउँपालिका कमिटि अध्यक्ष अर्जुनसिंह मंगोला एमालेमा प्रवेश गरेका छन् । एमालेले आज आयोजना गरेको कार्यकर्ता प्रशिक्षण तथा अभिमुखीकरण कार्यक्रममा मंगोलाले एमालेमा प्रवेश गरेका एमाले बैतडीका प्रचार तथा प्रकाशन विभाग प्रमुख लोकेन्द्र भण्डारीले बताए ।
अध्यक्ष मंगोलासंगै माओवादी केन्द्रबाट १३ जना, कांग्रेसबाट ७ जना र नेकपा एसका एकजना एमालेमा प्रवेश गरेको भण्डारीले बताए ।
नवप्रवेशीहरुलाई एमालेका केन्द्रिय सदस्य लिलाधर भट्ट, केन्द्रिय सदस्य पुरनसिंह दयाल, प्रदेश कमिटि अध्यक्ष दामोदर भण्डारी लगायतका नेता कार्यकर्ताहरुले पार्टीमा स्वागत गरेका छन् ।
प्रकाशित मिति: शनिबार, फागुन २८, २०७८ १५:१४
प्रतिक्रिया दिनुहोस्
लोकप्रीय
