बैतडी – बैतडीको सिगास गाउँपालिकाको केन्द्र गर्जेमा निर्माण भएको गाउँपालिकाको प्रशासकीय भवनको उद्दघाटन गरिएको छ । गाउँपालिकाको प्रशासकीय भवनका साथै कर्मचारी आवास गृह, जनप्रतिनिधि आवासगृह, प्रहरीचौकी भवन पनि उद्दघाटन गरिएको छ । यस्तै ढुंगाड–गर्जे सडकको समेत आजै उद्दाटन गरिएको हो ।
भवन निर्माण, सडक निर्माण लगायतका कामलाई गाउँपालिकाले मुख्य उपलब्धिको रुपमा लिएको सिगास गाउँपालिकाका अध्यक्ष हरिसिंह धामीले बताए । सिगास गाउँपालिकाको केन्द्रमा कुनै भवन नहुँदा आफूहरुले भवनलाई प्राथमिकतामा राखेर भवन निर्माण गरेको उनले बताए ।
बैतडीको सिगास गाउँपालिकामा नविनिर्मित प्रसासनिक भवन, कर्मचारी आवासगृह, जनप्रतिनिधि आवासगृह, प्रहरी चौकीको भवन र ढुंगाड–गर्जे सडकखण्डको एकैसाथ उद्घाटन गरिएको छ । शनिबार सिगास गाउँपालिकाको केन्द्र गर्जेमा आयोजति एक औपचारिक कार्यक्रमकाबिच उद्घाटन गरिएको हो ।
भवन उद्दघाटन कार्यक्रममा जिल्ला समन्वय समितिका प्रमुख सिद्धराज भट्ट, जिल्ला समन्वय समितिका उपप्रमुख धनबहादुर बोहरा, नेपाली कांग्रेसका नेता हरिमोहन भण्डारी लगायतको उपस्थिती रहेको थियो ।
