बैतडी –बैतडीमा विद्युत मिटरको समस्या समाधान भएको छ । केही महिना विद्युत मिटरको अभाव भएकोमा अहिले विद्युत मिटरको आपूर्ती भईसकेको नेपाल विद्युत प्राधिकरण बैतडी वितरण केन्द्रका सुपरभाइजर माधवप्रसाद लेखकले बताए । गएको असोजदेखि विद्युत मिटरको अभावमा भएकोमा फागुन महिनादेखि आपूर्ती भईसकेको लेखकले बताए । 

विद्युत मिटर नहुँदा ग्राहकहरुलाई समस्या हुने गरेकोमा अब त्यसो समस्या नहुने लेखकले बताए । केही दिन अघि मात्रै चार सय नयाँ मिटर आएका र ती मिटरहरु वितरण भईसकेका नेपाल विद्युत प्राधिकरण बैतडी वितरण केन्द्रले जनाएको छ । केही महिना देशैभरी विद्युत मिटरको समस्या हुँदा बैतडीमा पनि अभाव भएको उनले बताए । 

तर अहिले भने विद्युत मिटरको समस्या समाधान भईसकेको लेखकले बताए । नयाँ मिटरका लागि आवेदन दिने ग्राहकलाई अहिले विद्युत मिटर उपलब्ध भईरहेको उनले बताए ।