बैतडी–जिल्ला प्रहरी कार्यालय बैतडीले होलीको समयमा जबरजस्ती रंग लगाउने कार्य नगर्न आग्रह गरेको छ । होलीको समयमा जबरजस्ती रंग दल्ने,लोला हान्ने जस्ता कार्य हुने भएकाले त्यस्तो नगर्न आग्रह गरेको हो । 

यस्तै सभ्य तरीकाले होली खेल्न पनि प्रहरीले आग्रह गरेको छ । रंगको नाममा जथाभावी रसायनिक पेन्टको प्रयोग नगर्न पनि आग्रह गरेको छ । यस्तै मदिरा सेवन गरी जथाभावी होहोल्ला नगर्न, बाटोमा होलीको नाममा पैसा असुल्ने कार्य बन्द गर्न समेत प्रहरीले आग्रह गरेको छ ।