बैतडी –भारतको पिथौरागढस्थित जाजरदेवलमा बैतडीका एक युवकको हत्या भएको छ । बैतडीका राजेन्द्रसिंह लुहारको उनकै साथीहरुले हत्या गरेको भारतीय प्रहरीले जनाएको छ ।

शनिबार लुहार सहित उनका साथीहरु जाजरदेवलको एक डाँडामा होली खेल्न गएका र त्यहीँ विवाद हुँदा लुहारको हत्या गरिएको भारतीय पत्रकार राजेश पंगरीयाले बताए । लुहारसंगै उनका साथी ललित सिंह र अर्जुन सिंह होली खेल्न गएका बताइएको छ । 

राजेन्द्रको टाउकोमा ढुंगाले हानेर हत्या गरिएको भारतीय प्रहरीले जनाएको छ । पिथौरागढको जाजरदेवल थानाका इन्चार्ज कुलदिप सिंहले घटनाको अनुसन्धान भइरहेको बताए । चाडै आरोपीलाई पक्राउ गरिने उनको भनाई छ ।