कैलाली –कैलालीमा ट्रकको ठक्करबाट एक युवकको मृत्यु भएको छ । पूर्व–पश्चिम राजमार्गस्थित जिल्लाको लम्कीचुहा नगरपालिका–१० मा ट्रकले मोटरसाइकललाई ठक्कर दिदा मोटरसाइकलमा सवार युवकको मृत्यु भएको हो । सोमबार बिहान सात बजे लु–१–ख ८९३० नम्बरको ट्रकले विपरीत दिशातिर गइरहेको सुप–०१००९–प ३९२६ नम्बरको मोटरसाइकललाइ ठक्कर दिएको थियो । ठक्करपछि मोटरसाइकलमा सवार लम्कीचुहाका २८ वर्षीय टेकबहादुर रावल घाइते  गम्भीर घाइते भएका थिए । 

उनको रावलको उपचारका क्रममा कोहलपुरमा मृत्यु भएको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक वेदप्रकाश जोशीले बताए । यस्तै ट्रक र चालक ३१ वर्षीय बुद्दीराम सुनारलाई प्रहरीले  नियन्त्रणमा लिएको उनले बताए ।