बैतडीको पुर्चौंडीमा ‘घरघर जाऔं, कांग्रेस जिताऔं’अभियान शुरु
बैतडी –स्थानीय तहको निर्वाचनलाई मध्यनजर नेपाली कांग्रेसले सञ्चालन गरेको ‘घरघर जाऔं, कांग्रेस जिताऔं’अभियान बैतडीको पुर्चौंडी पनि शुरु गरिएको छ ।
बुधबार एक कार्यक्रमकाबीच अभियानको शुरुवात गरिएको नेपाली कांग्रेस बैतडीका सचिव प्रेमबहादुर चन्दले बताए ।
अभियानको शुरुवात गर्दै नेपाली कांग्रेसका केन्द्रिय सदस्य यज्ञराज जोशीले लोकतन्त्रको रक्षा र संविधानको सफल कार्यान्वयनका लागि नेपाली कांग्रेसलाई भोट दिनुपर्ने बताए ।
अभियानको शुभारम्भ कार्यक्रममा नेपाली कांग्रेस सुदूरपश्चिमका उपसभापति लोकराज अवस्थी, जिल्ला सभापति चतुरबहादुर चन्द, पूर्वसभापति शिवराज भट्ट र नरबहादुर चन्द, महाधिवेशन प्रतिनिधि उत्तरबहादुर ऐर लगायतका नेता कार्यकर्ताहरुको सहभागिता रहेको थियो ।
जिल्लाका १० ओटै स्थानीय तहमा अभियान सञ्चालन भईरहेको नेपाली कांग्रेस बैतडीले जनाएको छ ।
प्रकाशित मिति: बिहीबार, चैत १०, २०७८ १७:२०
प्रतिक्रिया दिनुहोस्
लोकप्रीय
