चार छोरालाई फौँजी बनाउने बैतडीकी एक आमालाई प्रधानसेनापतिको सम्मान
बैतडी – चार छोरालाई फौंजी बनाउने बैतडीकी एक आमालाई नेपाली सेनाले सम्मान गरेको छ । जिल्लाको दशरथचन्द नगरपालिका ३ दुर्गाभवानी बरकुरालीकी धनमाया नाथलाई सम्मान गरिएको हो ।
उनका चार जना छोरा नरेश नाथ, राम नाथ, लक्ष्मण नाथ र दिलिप नाथ अहिले नेपाली सेनामा कार्यरत रहेका छन् । चार जना छोरालाई सेनामा पठाउन प्रोत्साहित गर्ने आमालाई बुधवार नेपाली सेनाका प्रधान सेनापति प्रभुराम शर्माले नगद र प्रमाणपत्रसहित सम्मान गरेका हुन् ।
प्रधानसेनापति शर्माले ‘भू.पू. सैनिक सम्मेलन–२०७८’ को उद्घाटन समारोहको अवसर पारेर उनलाई सम्मान गरेका हुन् ।
सेनाले गरेको यो सम्मानको सबैतिर प्रशंसा भइरहेको छ ।
प्रकाशित मिति: बिहीबार, चैत १०, २०७८ २२:५८
प्रतिक्रिया दिनुहोस्
लोकप्रीय
