बैतडी – गएको फागुन २९ गतेदेखि स्थानीय तहको चुनावी अभियानमा रहेको नेपाली कांग्रेसले बैतडीका १० ओटै स्थानीय तहमा ‘घरघर जाऔं, कांग्रेस जिताऔं’अभियान शुरु गरेको छ । प्रत्येक पालिकामा अभियान शुरु भईसकेको र अब वडा र टोल तहमा अभियान शुरु भएको नेपाली कांगे्रसका सचिव प्रेमबहादुर चन्दले बताए ।
नेपाली कांग्रेसको नीति, सिद्धान्त र विचारका बारेमा नागरिकलाई जानकारी गराउने, स्थानीय चुनावमा कांग्रेसको रणनीतिका बारेमा नागरिकलाई बुझाउने, कांग्रेसले अहिले सम्म गरेका कामको बारेमा जानकारी गराउने उद्देश्य सहित अभियान सञ्चालनमा रहेको सचिव चन्दले बताए ।
स्थानीय तहको निर्वाचन केन्द्रित अभियानमा उत्साहजनक सहभागिता रहेको र पार्टीलाई बहुमत दिलाउने योजनाका साथ अभियानमा जुटेको सचिव चन्दले बताए । अहिले वडा र टोलमा अभियान सञ्चालन भईरहेको चन्दले बताए ।
नेताहरुलाई जिम्मेवारी दिएर प्रत्येक स्थानीय तहमा खटाइएको नेपाली कांग्रेस बैतडीले जनाएको छ ।
