बैतडी –कैलाली बहुमुखी क्याम्पसमा आमसञ्चार तथा पत्रकारिता अध्ययनरत विद्यार्थीहरुको टोलीले बैतडीको रेडियो निङ्गलाशैनीको अवलोकन गरेको छ । आमसञ्चार र पत्रकारिता विषय लिएर स्नातक तह दोस्रो वर्षमा अध्ययन गरिरहेका विद्यार्थीहरुको टोलीले रेडियोमा अवलोकन गरेको हो ।
अध्ययन भ्रमणमा आएको सो टोलीलाई रेडियो निङ्गलाशैनीका प्रबन्ध निर्देशक महेश अवस्थीले मायाको चिनो सहित खादा ओढाएर स्वागत गरे । सो अध्ययन भ्रमण कार्यक्रममा कैलाली बहुमुखी क्याम्पसका उपप्राध्यापक भुवन भण्डारी सहित ६० जना विद्यार्थीहरुको सहभागिता रहेको थियो ।
रेडियो निङ्गलाशैनीले आयोजना गरेको स्वागत कार्यक्रममा बोल्दै प्रबन्ध निर्देशक महेश अवस्थीले जिल्लाकै उत्कृष्ट रेडियो छनौट गरेर अध्ययन भ्रमण गरेकोमा धन्यवाद दिए ।
यस्तै अध्ययन भ्रमणमा आएका कैलाली बहुमुखी क्याम्पसका उपप्राध्यापक भण्डारीले रेडियो निङ्गलाशैनीले गरेको स्वागतको प्रशंसा गर्दै रेडियोले गरिरहेको काम अरुका लागि पनि सिकाई भएको बताए ।
