माओवादी केन्द्रले बैतडीका १० ओटै स्थानीय तहमा जनप्रशिक्षण सम्पन्न गर्यो
बैतडी –आसन्न स्थानीय तहको निर्वाचनको तयारीमा जुटेको माओवादी केन्द्रले बैतडीका १० ओटै स्थानीय तहमा जनप्रशिक्षण कार्यक्रम सम्पन्न गरेको छ । यही चैत ७ गतेबाट शुरु गरिएको अभियान पालिकास्तरमा सम्पन्न भएको नेकपा माओवादी केन्द्रका जिल्ला सह–इन्चार्ज विक्रम कुँवर (प्रतीक)ले बताए ।
जिल्लाका १० ओटै स्थानीय तहमा जनप्रशिक्षण र अगुवा कार्यकर्ता भेला सम्पन्न गरिएको माओवादी केन्द्रले जनाएको छ । पालिकास्तरीय प्रशिक्षण सकिएपछि अब वडा र टोलमा तहमा प्रशिक्षण र संगठन विस्तार अभियान सञ्चालन हुने सह–इन्चार्ज कुँवरले बताए ।
आगामी स्थानीय तहको निर्वाचनलाई मध्यनजर गरेर गाउँगाउँमा अभियान केन्द्रित गर्ने, गाउँटोलमा सेल कमिटिहरु गठन गर्ने, मतदाता शिक्षा दिने लगायतका कार्यक्रम सञ्चालन गरिने माओवादी केन्द्रले जनाएको छ ।
प्रकाशित मिति: शनिबार, चैत १९, २०७८ १८:५७
प्रतिक्रिया दिनुहोस्
लोकप्रीय
