बैतडी –नेपाली काँग्रेस बैतडीले  सुर्नया गाउँपालिका  वडा नं ६ मा जय बहादुर  कुँवरलाइ वडाध्यक्षको उम्मेद्वार बनाउने निर्णय गरेको छ । वडा कार्यसमितिको बैठकले जयबहादुर कुँवरलाइ नै  फेरी वडाध्यक्षको  उम्मेद्वार बनाउने निर्णय सर्वसम्मत पारित गरेको  हो । 

गएको स्थानीय तहको निर्वाचनमा पनि उनी वडा अध्यक्षमा निर्वाचित भएका थिए । वडा कार्यसमितिको बैठकले आफुलाइ नै सर्वसम्मत वडाध्यक्षको उम्मेद्वार  चयन गरेको  वडाध्यक्ष कुँवरले बताए । 

यस्तै खुल्ला सदस्यमा देवबहादुर चन्द र देवदत्त अवस्थी,  महिला सदस्य निर्मला अवस्थी र दलित महिला सदस्यमा जशु लुहारलाई  उम्मेद्वार बनाउने निर्णय भएको उनले बताए । 

स्थानीय तहको निर्वाचन नजिक आएका बेला राजनीतिक दलहरुले उम्मेद्वार छनौट गर्ने कार्यलाई तीव्रता दिएका छन् ।