बैतडी –आसन्न स्थानीय तहको निर्वाचनका लागि नेकपा एमालेले आज बैतडीका ८४ ओटै वडामा उम्मेद्वार छनौट गर्दैछ । वडा कमिटिको बैठक बसेर सर्वसम्मत रुपमा उम्मेद्वार छनौट गर्ने तयारी भएको नेकपा एमाले बैतडीका प्रचार तथा प्रकाशन विभाग प्रमुख लोकेन्द्र भण्डारीले बताए ।
जिल्लाका वडाहरुमा वडा अध्यक्ष र सदस्य पदका उम्मेद्वारहरुको टुंगो लगाइने उनले बताए । सर्वसम्मत रुपमा छनौट हुन नसकेका ठाउँमा राय सहित आकांक्षीहरुको नामावली जिल्ला कमिटिलाई पठाउनुपर्ने भण्डारीले बताए ।
यसैगरी यही चैत २४ गते गाउँपालिका अध्यक्ष र उपाध्यक्ष तथा नगरपालिकाका प्रमुख र उप प्रमुखको उम्मेद्वारको टुङ्गो लगाउन गाउँ तथा नगर कमिटिको बैठक बस्ने छ । यदि पालिकाको बैठकले अध्यक्ष उपाध्यक्ष तथा नगर प्रमुख तथा उप प्रमुखका उम्मेद्वारहरुको टुंगो लगाउन नसकेमा प्रदेश कमिटिको बैठकले उम्मेद्वारको टुङ्गो लगाउने छ ।
