बैतडी-नेपाल सरकारको भूमी सम्बन्धि समस्या समाधान आयोग बैतडी अध्यक्ष धनबहादुर ऐर (कपिल) ले पदभार ग्रहण गरेका छन् । भूमी  समस्या समाधान आयोजकको जिल्ला कार्यालय बैतडीमा  बुधबार उनले  पदभार ग्रहण गरेका हुन् । पदभार  ग्रहण कार्यक्रममा बैतडीका सहायक प्रमुख जिल्लाअधिकारी  खगेन्द्र  भारती लगयात जिल्ला भित्र रहेका कार्यलहरुका  प्रमुख तथा प्रतिनिधिहरुको उपस्थिति रहेको  थियो । 

पदभार ग्रहण गर्दै अध्यक्ष ऐरले भूमीहिन सुकुम्बासीका समस्या समाधान  गर्ने   बताए  । आयोगले सुकुम्बासीहरुको तथ्यांक संकलन गरेर उनीहरुको समस्या समाधानका लागि काम गर्ने अध्यक्ष ऐरले बताए ।  आफुलाइ नेपाल सरकारले महत्वपूर्ण अभिभारा प्रदान गरेको  भन्दै उनले दलित भूमीहिन नागरिकहरुका समस्या समाधान गरेर  लालपूर्जा  वितरण गर्ने प्रतिवद्धता  गरे   ।

भूमीहिनहरुको हकअधिकारका लागि पक्ष विपक्ष नभनि निष्पक्षरुपमा काम गर्ने प्रण गर्दै उहाँले यहाँका भूमीहिनका समस्या समाधान गर्न सबैको साथ सहयोगको पनि अपेक्षा राखेको बताए  । यहि चैत्र ४ गते  बसेको मन्त्रीपरिषद बैठकले ऐरलाई आयोगको बैतडी जिल्ला अध्यक्षमा चयन गरेको थियो   ।  यसअघि एमालेको सरकार भएको बेला भूमी सम्बन्धि समस्या समाधान आयोगको  अध्यक्ष नरेश विक थिए  ।  अहिलेका अध्यक्ष  ऐर माओवादी  केन्द्रका सुदूरपश्चिम  प्रदेशकमिटि  सदस्य हुन् ।