बैतडी –स्थानीय तहको निर्वाचन नजिक आएका बेला बैतडीमा चुनावी सरगर्मी बढेको छ । विभिन्न स्थानीय तहमा राजनीतिक दलहरुले उम्मेद्वार चयन गर्ने प्रक्रियालाई तीव्रता दिएका छन् ।
जिल्लाको पञ्चेश्वर गाउँपालिकाको अध्यक्ष पदका लागि तीन जना आकांक्षी देखिएका छन् । वर्तमान अध्यक्ष गोरखबहादुर चन्द, गाउँपालिका प्रवक्ता दशरथ मंगोला र जिल्ला कमिटि सदस्य राजेन्द्र चन्दले आकांक्षा राखेका हुन् ।
यस्तै उपाध्यक्ष पदमा वर्तमान उपाध्यक्ष बिना भट्ट र गोदावरी चन्दले आकांक्षा देखाएको गाउँपपालिकाका प्रवक्ता मंगोलाले बताए ।
आकांक्षीहरुको नाम गाउँपालिका कमिटिले प्रदेश कमिटिमा सिफारिश गरेको बताइएको छ । प्रदेश कमिटिले गाउँपालिका अध्यक्ष र उपाध्यक्ष पदका उम्मेद्वार टुंगो लगाउने मंगोलाले बताए ।
यसअघि नेपाली कांग्रेसले पनि पञ्चेश्वर गाउँपालिकाको अध्यक्ष पदका लागि रमेशसिंह भण्डारीलाई उम्मेद्वार बनाउने सर्वसम्मत निर्णय गरिसकेको छ । कांग्रेसले अन्य दलहरुसंग चुनावी तालमेल हुन सक्ने भन्दै उपाध्यक्षको भने टुंगो लगाएको छैन् ।
