बैतडीको शिवनाथमा जिप दुर्घटना, एक जना घाइते
बैतडी –बैतडीको शिवनाथ गाउँपालिकाको वडा नं ६ छेलामा जिप दुर्घटना हुँदा एकजना घाइते भएका छन् । म १ ज २७२ नम्बरको जिप दुर्घटना हुँदा शिवनाथ गाउँपालिका १ का ६५ बर्षीय गोबडीदेवी साउँद घाइते भएका छन् । उनको बाँया खुट्टामा चोट लागेको र उपचारका लागि डडेल्धुरा अस्पताल पठाइएको जिल्ला प्रहरी कार्यालयका प्रवक्ता प्रहरी निरीक्षक बोधराज ओझाले बताए ।
सो जिपमा शिवनाथ गाउँपालिकाका कर्मचारी टंक पन्त र हेमन्त जोशी पनि सवार रहेका बताइएको छ । कर्मचारी पन्तले जबरजस्ती जिप चलाउन खोज्दा दुर्घटना भएको भनिएपनि प्रहरीले सो कुरा अस्वीकार गरेको छ । प्रहरीले जिप चालक विरेन्द्र महताले नै जिप चलाएको दाबी गरेको छ ।
जिप सडकबाट करीब एक सय मिटर तल खसेको प्रहरीले जनाएको छ ।
प्रकाशित मिति: बिहीबार, चैत २४, २०७८ १८:४४
प्रतिक्रिया दिनुहोस्
थप बैतडी
लोकप्रीय
