कैलालीमा मोटरसाइकल एकआपसमा ठोक्किँदा दुईजनाको मृत्यु
कैलाली –कैलालीमा दुई वटा मोटरसाइकल एकआपसमा ठोक्किंदा २ जनाको मृत्यु भएको छ भने अन्य २ जना घाइते भएका छन् । गोदावरी नगरपालिका–३ मा सुदूरपश्चिम प्रदेश ०२–००४ प १११ नम्बरको मोटरसाइकल र से ४ प ४७३० नम्बरका मोटरसाइकल बिहीबार राति आपसमा ठोक्किएका थिए ।
दुर्घटनामा कञ्चनपुरको शुक्लाफाँटा नगरपालिका–७ का ३० वर्षीय पुरन कुमार मडै र कृष्णपुर–५ का ३२ वर्षीय लोकेन्द्र पार्कीको मृत्यु भएको जिल्ला प्रहरी कार्यालय कैलालीका प्रहरी नायव निरीक्षक बेदप्रकाश जोशीले बताए ।
दुर्घटनामा घाइते भएका अन्य दुईजनाको उपचार भईरहेको प्रहरीले जनाएको छ ।
प्रकाशित मिति: शुक्रबार, चैत २५, २०७८ १२:०५
प्रतिक्रिया दिनुहोस्
थप बैतडी
लोकप्रीय
