बैतडी-बैतडीको  पाटन नगरपालिका  वडा नं ९ का विभिन्न  टोलहरु  सुरक्षित खानेपानीयुक्त  घोषणा गरिएका छन् । पाटन नगरपालिकाको आयोजना,  युनिसेफ नेपालको सहकार्य र  रुडेश बैतडीको  प्राविधिक  सहयोगमा वडा नं ९का  सलमाड, भट्याडी, सल्लेबासा ,र टकरे टोलहरुलाई शनिबार सुरक्षित खानेपानीयुक्त घोषणा गरिका हुन् ।

खानेपानीको शुद्धता मापन गरी यहाँका परिवारले पिउने पानी सुरक्षित भएको प्रमाणित भएपछि सुरक्षित खानेपानीयुक्त समुदाय घोषणा गरिएको रुडेश बैतडीका कार्यकारि  निर्देशक  गोविन्द राज जोशीले जानकारी दिए  । सुरक्षित खानेपानीयुक्त समुदाय घोषणा कार्यक्रम अन्तरगत वडाभित्रका  सलमाडी खानेपानी भट्याडी खानेपानी सल्लेबासा खानेपानी र टकरे खानेपानी बाट लाभान्वित टोलहरुलाई आज एक कार्यक्रमको आयोजना गरेर सुरक्षित खानेपानीयुक्त समुदाय घोषणा गरिएको उनले  बताए   ।

 युनिसेफ नेपालको सहकार्य, रुडेश बैतडी, पाटन नगरपालिकाको आर्थिक सहयोगमा निर्माण गरिएका खानेपानीका चार ओटा योजनाहरुबाट  लाभान्बीत टोलहरुमा १४ ओटा सूचक पूरा भएको  पाइएकाले सुरक्षित खानेपानीयुक्त घोषणा गरिएका  छन् ।

 किटाणुरहित पानीभएको ,एक घर एक धाराको अवधारणाको अवस्थाका साथै बालमैत्री, अपाँगमैत्री  भएको लगायतका १४ ओटा सूचक पुराभएका टोलहरुलाई सुरक्षित खानेपानीयुक्त समुदाय घोषणा गर्ने  गरिएको रुडेश बैतडीका कार्यकारी  निर्देशक जोशी बताए ।  पाटन नगरपालिकाले  योजना अनुगमन गरे  प्रमाणिकरण गरेपछि शनिबार सुरक्षित खानेपानीयुक्त समुदाय घोषणा गरिएको  हो ।

कुनै समुदाय सुरक्षित खानेपानी युक्त हुन सुरक्षित खानेपानीको योजना कार्यान्वयन गरेको  हुनुपर्ने  बताइएको  छ ।सुरक्षित खानेपानीयुक्त समुदाय घोषणा कार्यक्रममा जिल्ला समुन्वय समिति संयोजक शिद्ध राज भट्ट, स्वास्थ्य  कार्यालय  बैतडीका प्रमुख योगेश  प्रशाद भट्ट, जिल्ला अस्पताल बैतडी अध्यक्ष पार्वती  भट्ट, जनप्रतिनिधि , पत्रकार लगायत स्थानीय नागरिकहरुको  उपस्थिति रहेको  थियो ।