बैतडी- बैतडीको डिलाशैनी गाउँपालिकाको अध्यक्षमा सन्तोषप्रकाश जोशीले स्वतन्त्रबाट उम्मेद्वारी  घोषणा गरेका छन् । आइतबार धामीगाउँमा आमसभाको आयोजना गरेर गाउँपालिका अध्यक्ष पदमा उनले  उम्मेद्वारी  घोषणा गरेका हुन् ।

आसन्न स्थानीय तहको निर्वाचनमा नेकपा एमालले अध्यक्ष पदका लागि उनको नाम सिफारिश नगरेपछि स्वतन्त्रबाट उम्मेद्वारी  घोषणा गरेका छन्  । उनले डिलाशैनीबासी उपस्थित रेहको  बृहत आमसभामा  अध्यक्षपदका लागि उम्मेदवारी  घोषणा गरेका   हुन् ।

जोशी नेकपा एमालेको युवा संगठन राष्ट्रिय युवा संघका केन्द्रिय सचिव तथा सुदूरपश्चिम अध्यक्ष समेत हुन् ।उनले  पार्टीका सबै पदबाट राजीनामा गरेर उम्मेद्वारी दिएका हुन् । घोषणा सभामा  बोल्दै  उनले  समग्र डिलाशैनीको  विकासका लागि  काम गर्ने प्रतिबद्धता व्यक्त  गरेका छन् ।  यस्तै  उनले    आफ्नो टीमका वडा अध्यक्षहरुको उम्मेद्वारी चैत २९ मा घोषणा गर्ने र त्यसपछि सदस्यहरुको पनि उम्मेद्वारी घोषणा गर्ने बताएका छन् ।