बैतडी- बैतडीको  डिलाशैनी  गाउँपालिकामा माओवादी  केन्द्रले उम्मेद्वार  छनोट गर्न थालेको छ । आसन्न स्थानीय तहको निर्वाचनका लागि माओवादीले डिलाशैनी गाउँपालिकाको वडा नं ६ मा  नर बहादुर माल (आँशु)लाइ  अध्यक्ष पदको उम्मेद्वार बनाउने निर्णय गरेको छ ।

आज बसेको वडा कमिटिको बैठकले  माओवादी  केन्द्रका सुदूरपशिचम प्रदेश प्रतिनिधि समेत रहेका  माललाई सर्बसम्मत वडा अध्यक्ष पदमा उम्मेद्वार  बनाउने  निर्णय गरेको  अनेरास्ववियू क्रान्तिकारी बैतडीका अध्यक्ष गोबिन्द मालले जानकारी दिए । यस्तै वडा सदस्यमा राम नाथलाइ उम्मेद्वार  बनाउने निर्णय भएको  छ ।

अरु सदस्यको पनि  केहि दिनमै टुंगो  लाग्ने बताइएको  छ । अब गाउँपालिकाका सबै  वडामा माओवादीले उम्मेद्वार टुंगो  लगाउने  अनेरास्ववियू क्रान्तिकारी बैतडी अध्यक्ष मालले  बताए ।