बैतडी - बैतडीमा   विद्युत सेवा अवरुद्ध भएको  छ ।  हिजो राती देखि जिल्लामा विद्युत सेवा अवरुद्ध भएको  हो । विद्युत सेवा अवरुद्ध हुँदा  सेवाग्राही समस्या परेका छन् ।

 कठपतेमा तार टुटेकाले विद्युत सेवा अवरुद्ध भएको नेपाल विद्युत प्राधिकरण वितरण केन्द्र  बैतडीका फिल्ड सुभरभाइजर माधव लेखकले जानकारी दिए । उनले  भने  ‘हावाहुरिले  कठपतेमा तार टुटेको रहेछ,  प्राविधिकको टोलि बनाउदै छ , मर्मतमा एक दुइ घण्टा लाग्छ ।’ मर्मत भएपछि मात्रै  विद्युत सेवा शुचारु हुने उनको भनाई छ ।

विद्युत सेवा अवरुद्ध  हुँदा  फोन सेवा समेत  प्रभावित भएको सुर्नयाका स्थानीय केशब राज भट्टले  बताए  । रातीदेखि विद्युत नहुँदा जनजीवन प्रभावित भएको छ । यसको असर सर्वसाधारणदेखि व्यापार व्यवसाय र विद्युतको माध्यमले मात्रै सञ्चालन हुने क्षेत्रमा समेत परेको छ ।  विद्युत सेवा अवरुद्ध हुँदा  जिल्लामा  विद्युतीय उपकरण चलाउन सकिएको छैन्।  केही रेडियो, एफएमको प्रसारण समेत रोकिएको छ।