बैतडी-एनएमबि बैंक बैतडी शाखाले ९ औं एनएमबी बैंक हेरिटेज वाक सम्पन्न गरेको छ । सम्पदा संरक्षण दिवसको अवसर पारेर आज एनएमबि बैंक बैतडी शाखाले विभिन्न कार्यक्रमगरि ९ औं एनएमबी बैंक हेरिटेज वाक सम्पन्न गरेको एनएमबि बैंक बैतडी शाखाका सहायक म्यानेजर दिपक जोशीले  जानकारी दिए ।

सम्पदा संरक्षण दिवसको  अवसरमा  शाखाले ¥यालीको आयोजना गरेर सुन्दरखालि हुँदै त्रिपुरासुन्दरी मन्दिरमा पुगेर मन्दिर परिसरमा सरसफाई समेत गरेको  उनले बताए ।

‘सम्पदाको संरक्षण र सरोकार सम्पन्न भविष्यको आधार’  भन्ने नाराका साथ मनाइएको उक्त कार्यक्रममा बैंकशाखाले मन्दिर व्यवस्थापन समितिलाई बिभिन्न सरसफाई सामग्री समेत हस्तान्तरण गरेको  सहायक म्यानेजर  जोशीले बताए ।

प्रत्येक वर्ष सम्पदा संरक्षण दिवसको दिन एनएमबी बैंक शाखाहरुले  बैंक हेरिटेज वाक  गर्ने  गरेका बताइएको  छ ।