दार्चुला- दार्चुलाको शैल्यशिखर नगरपालिका वडा नम्बर ४ काडापारीमा युवकहरुबीच झडप हुँदा एक जनाको मृत्यु भएको छ । नौगाड गाउँपालिकाको सिप्टीमा लागेको बिसुजात्रा हेरेर घर फर्किने क्रममा तल्लाकाडापारीमा शुक्रबार राती युवाहरु बीच झडप भएको हो ।

झडप हुँदा तल्लोकाडापारीका २५ बर्षीय जगदिश ठगुन्नाको मृत्यु भएको प्रहरीले जनाएको छ। शुक्रबार राती ४÷५ जना युवाहरुको समूहले जगदिश माथि लगातार आक्रमण गरेको तथा उनको घट्ना स्थलमै मृत्यु भएको बताइएको छ ।

घटनाबारे अनुसन्धान भइरहेको जिल्ला प्रहरी कार्यालय दार्चुलाले जनाएको छ । ठगुन्ना माथि आक्रमण गर्ने तीन जना युवालाई काडापारी प्रहरी चौकीले नियन्त्रणमा लिएको बताइएको छ ।