बझाङमा कांग्रेस जिल्ला सभापति सवार जीप दुर्घटना हुँदा एक जनाको मृत्यु
बझाङ- बझाङमा नेपाली कांग्रेस बझाङका सभापति खडक बोहरा र उनको परिवार सवार जीप दुर्घटना भएको छ।बझाङको सुर्माबाट धनगढीतर्फ गइरहेको सुपप्र ०१–००१ च ००९५ नम्बरको जीप गएराति १२:४० बजे वित्थडचिर गाउँपालिका-४ देउलेख बजार नजिकै दुर्घटना भएको प्रहरीले बताएको छ।
दुर्घटनामा सुर्माका विनोद बोहराको घटनास्थलमै मृत्यु भएको जि प्रहरी कार्यालय बझाङले जनाएको छ। त्यस्तै, अन्य तीन जना घाइते भएका छन्।
उनीहरुलाई उपचारका लागि देउलेख प्राथमिक स्वास्थ्य केन्द्रबाट धनगढी रेफर गरिएको छ। जीपमा ३ महिला र ६ पुरुष गरी ९ जना सवार रहेका बताइएको छ। घटनाबारे थप जानकारी आउन बाँकी छ।
प्रकाशित मिति: आइतबार, वैशाख ४, २०७९ ०९:२५
प्रतिक्रिया दिनुहोस्
थप बैतडी
लोकप्रीय
