बैतडी-बैतडीको  मेलौलीमा सम्पन्न आँखा शिविरबाट ५ सय ६८ जनाले सेवा लिएका छन्।  स्वास्थ्य कार्यालय बैतडीको आयोजना र गेटा आँखा अस्पताल धनगढीको प्राविधिक सहयोगमा यहि बैशाख २ र ३ गते  केशरपुर प्राथमिक स्वास्थ्य केन्द्र मेलौलीमा लागेको निशुल्क आँखा उपचार तथा अप्रेशन शिविरबाट ५ सय ६८ जनाले  सेवा लिएको  स्वास्थ्य  कार्यालय बैतडीले जनाएको छ ।

आँखाको समस्या भएका नागरिकलाई स्थानीयस्तरमै सेवा लिन सजिलो होस भनेर  आयोजना गरिएको  शिविरमा १ सय १९ जनाको  मोतिबिन्दुको  शल्यक्रिया  समेत भएको स्वास्थ्य कार्यालय बैतडीका  जनस्वास्थ्य निरिक्षक भुवन जोशीले  जानकारी दिए ।

यसअघि जिल्ला अस्पतालमा लागेको  निशुल्क आँखा उपचार शिविरबाट ५ सय ९३ जनाले सेवा लिए थिए ।  आँखाको  उपचार सेवा पाउँदा नागरिकहरु पनि खुसि भएका छन् ।