बैतडी- बैतडीको पाटन नगरपालिकामा  निःशुल्क आँखा उपचार तथा अप्रेशन शिविर शुरु भएको  छ । स्वास्थ्य कार्यालय बैतडीको  आयोजना तथा नेपाल नेत्रज्योति संघ गेटा आँखा अस्पताल धनगढीको प्राविधिक  सहयोगमा आज बाट पाटनमा शिविर शुरु भएको  स्वास्थ्य कार्यालय बैतडीले  जनाएको छ ।

आजबाट शुरु भएको शिविर ७ गते सम्म चल्ने बताइएको छ । पाटन आँखा उपचार केन्द्रमा आँखा शिविर  शुरु  भएको जनाउदै    स्वास्थ्य  कार्यालय बैतडीले मोतिबिन्दु लगायत आँखाको समस्या भएका सबैलाइ शिविरमा आएर सेवा लिन आग्रह गरेको छ ।

यसअघि जिल्ला अस्पतालमा सञ्चालन भएको आँखाशिविरबाट ५ सय ९३ जना र मेलौलीमा सञ्चालन भएको  शिविरमा ५ सय ६८ जनाले सेवा लिएका थिए । आँखाको समस्या भएका नागरिकलाई स्थानीयस्तरमै सेवा लिन सजिलो होस भनेर शिविरको आयोजना गरिएको स्वास्थ्य कार्यालय  बैतडीले  जनाएको   छ।