बैतडी- बैतडीमा सत्ता गठबन्धनको बैठक सम्पन्न भएको छ । अन्य सात पालिकामा मित्रवद प्रतिस्पर्धा गर्ने निर्णय गर्दै आज बसेको सत्ता गठबन्धनको बैठक सम्पन्न भएको हो ।
तीन पालिकामा भएको तालमेललाई राम्रो संग कार्यान्वयन गर्ने र अन्य सातमा मित्रवद प्रतिस्पर्धा गर्ने निर्णय सहित बैठक सकिएको नेपाली काँग्रेस बैतडीका सभापति चतुर बहादुर चन्दले जानकारी दिए ।
उनले भने ‘बैठक आज पनि बस्यो, हामिले ७ पालिकामा मित्रवद प्रतिस्पर्धा गर्ने निर्णय गरेका छौँ ।’ आ आफ्नै पार्टीका उम्मेद्वार उठाएर मित्रवद प्रतिस्पर्धा हुने उनको भनाइ थियो ।
यस्तै माओवादीका नेता शंकर भण्डारीले हिजोको निर्णय कार्यान्वयन गर्ने र पालिकाहरु संग परार्मश गरेर अगाडी बढ्ने निर्णय भएको बताएका छन् । पालिकास्तरमा बनेको कार्यदलको परामर्शअनुसार अगाडी बढ्ने कुराभएको उनको भनाई छ ।
उनले भने ‘हिजोको निर्णय कार्यान्वयन गर्ने र अन्य पालिकामा बनेको कार्यदलको परामर्शका आधारमा अगाडी बढ्ने निर्णय भयो ।’ गठबन्धनको बैठकमा सरिक काँग्रेस माओवादीका नेताहरुले दिएको फरक फरक अभिव्यक्तिले अन्य सात स्थानीयतहमा गठबन्धन नहुने स्पष्ट देखिएको छ ।
सत्तासाझेदारदलहरुले स्थानीयतहको निर्वाचनमा तीन पालिकामा भने चुनावी गठबन्धन गर्ने निर्णय गरेका छन् । हिजो बसेको सत्तागठबन्धनका दलहरुको बैठकले जिल्लाको डिलाशैनी गाउँपालिका , दोगडाकेदार गाउँपालिका र पञ्चेश्वर गाउँपालिकामा चुनावी तालमेल गर्ने निर्णय गरेका थिए ।
पञ्चेश्वरमा कांग्रेसलाइ अध्यक्ष , समाजवादीलाई उपाध्यक्ष, दोगडाकेदार गाउँपालिकामा काँग्रेसलाइ अध्यक्ष, माओवादीलाइ उपाध्यक्ष र डिलाशैनी गाउँपालिकामा माओवादीलाइ अध्यक्ष , काँग्रेसलाई उपाध्यक्ष दिने निर्णय गरिएको छ ।
