बैतडी- बैतडीको  दशरथचन्द नगपालिकामा नेकपा माओवादी र एकीकृत समाजवादी पार्टी बिच चुनावी तालमेल गर्ने  निर्णय  भएको छ ।  माओवादी  र एसको   आज बसेको नगर सयन्त्रको  बैठकले  दशरथचन्द नगरपालिका भित्र  मिलेर चुनाव लड्ने सहमति भएको माओवादी केन्द्र दशरथचन्द नगरकमिटि  अध्यक्ष गोपाल बोहराले जानकारी दिए ।

उनका अनुसार स्थानीयतहको  निर्वाचनमा मेयरमा माओवादी केन्द्रका प्रेम सिह थापा र उपमेयरमा सामाजवादीका राजु भुललाई उठाउने निर्णय भएको   छ ।  यस्तै  दुवै  पार्टीले वडामा पनि तालमेल गरेर  जाने सहमति भएको  छ ।

 सहमति अनुसार  दनपाका ६ वडामा  समाजवादीले पाउने छ  भने  ५ वडामा माओवादी  केन्द्रले  पाउने  बताइएको   छ ।  समाजवादीले  १, ३,४,५,८,११ र माओवादीले २, १०, ९, ६ र  ७  नं वडा पाउने  बताइएको  छ ।