बैतडी- माध्यमिक शिक्षा परीक्षा एसईईका लागि बैतडीमा नियुक्त गरिएका केन्द्राध्यक्षहरुलाई अभिमुखिकरण तालिम दिइएको छ । शिक्षा विकास तथा समन्वय इकाइ बैतडीले आज एसईइ परीक्षका लागि नियुक्त गरिएका केन्द्राध्यक्षहरुलाई एकदिने अभिमुखिकरण तालिम दिएको हो ।
नियुक्त गरिएका केन्द्राध्यक्षहरुलाइ परीक्षालाई निष्पक्ष,मर्यादित र व्यवस्थीत बनाउन अभिमुखीकरण तालिम दिइएको शिक्षा विकास तथा समन्वय इकाइ बैतडीका प्रमुख नरेन्द्र प्रशाद अवस्थीले जानकारी दिए । माध्यमिक शिक्षा परीक्षा समुन्वय समिति संयोजक एवं प्रमुख जिल्ला अधिकारी राजेन्द्रदेव पाण्डेको अध्यक्षतामा भएको अभिमुखिकरण कार्यक्रममा केन्द्राध्यक्षकहरुलाई परीक्षालाई निष्पक्ष,मर्यादित र व्यवस्थीत बनाउन प्रशासनिक र प्राविधिक सुझाव सहितको निर्देशन दिएको उनले बताए ।
उनले भने ‘ हामिले आज २५ ओटै केन्द्राध्यक्षहरुलाई बोलाएर अभिमुखिकरण गर्यौ, परीक्षालाइ परीक्षा जस्तो बनाउन पनि आग्रह गरेका छौँ ।’ परीक्षा सञ्चालन निर्देशिका २०७७ बमोजि परीक्षालाइ निष्पक्ष, मर्यादित र व्यवस्थीत बातावरणमा सञ्चालन गर्न निर्देशन गरिएको बताइएको छ ।
यस्तै केन्द्राध्यक्षहरुलाई परीक्षा सामग्री समेत हस्तान्त्रण गरिएका छन् । २५ ओटै केन्द्राध्यक्षहरुलाई परीक्षाका लागि आवश्यक पर्ने सामग्री हस्तानत्रण गरिएको शिक्षा विकास तथा समुन्वय इकाइ प्रमुख अवस्थीले बताए । शिक्षा विकास तथा समुन्वय इकाइ बैतडीले आयोजना गरेको अभिमुखिकरण कार्यक्रममा प्रमुख जिल्ला अधिकारी राजेन्द्र देव पाण्डे , शुरक्षा निकायका प्रमुख तथा प्रतिनिधि र २५ ओटै परीक्षा केन्द्रका केन्द्राध्यक्षहरुको सहभागीता रहेको थियो ।
माध्यमिक शिक्षा परीक्षा एसईई बैशाख ९ गतेबाट शुरु हुंदै छन् । बैतडीबाट यस वर्षको एसईइ परीक्षामा ५ हजार ४ सय ३१ जना विद्यार्थी सहभागी हुनेभएका छन् ।
