बैतडी-बैतडीको सुर्नयामा नेपाली कांग्रेसले अध्यक्ष र उपाध्यक्षका पदका लागि आकांक्षी देखिएकाहरुको नाम सिफारीस गरेको छ । गाउँकमिटिले उम्मेदवार छनोट गर्न नसकेपछि सबै आकांक्षीहरुको नाम जिल्ला कार्यसमितिमा सिफारिस गरिएको नेपाली काँग्रेस जिल्ला कार्यसमिति सदस्य चन्द्र सिंह ऐरले जानकारी दिए ।
पालिका कमिटिले जिल्ला कमिटिलाई अध्यक्षमा र उपाध्यक्षमा अकांक्षी देखिएका सबैको नाम जिल्ला कमिटिलाई सिफारिस गरेको उनले बताए । उनका अनुसार अध्यक्ष पदमा अहिलेका अध्यक्ष बिर बहादुर बिष्ट, वडा नं १ का वडा अधयक्ष गजेन्द्र बहादुर चन्द, जिल्ला कार्यसमिति सचिव दिपेन्द्र चन्द, भरत मडै, गगन सिह सावद, प्रतापराम लुहार, बिर बहादुर सावद र राजेन्द्र बिष्टको नाम सिफारीस भएको हो ।
यस्तै उपाध्यक्षमा भागरथी बोहरा, कलावती बिष्ट, मन्जु बोहरा, पुस्पा पाल, गीता बोहरा, लिला महरा ठगुन्ना र घुम्रा बिष्टको नाम सिफारी गरिएको नेपाली कांग्रेस सुर्नयाले जनाएको छ ।
