बैतडी –नेतृत्व तहमा महिलाको पहुँच पुर्याउनुपर्ने माग गर्दै महिला नेतृत्व मञ्च बैतडीले प्रदेश सांसदलाई ज्ञापन पत्र बुझाएको छ । मञ्चका अध्यक्ष अनिता ज्ञवालीको नेतृत्वमा प्रदेश सांसद लिलाधर भट्टलाई ज्ञापन पत्र बुझाएको हो ।
आसन्न स्थानीय तहको निर्वाचनमा महिलाहरुलाई मूल नेतृत्वमा समेट्नका लागि आफूहरुले ज्ञापन पत्र बुझाएको ज्ञवालीले बताइन् । यसअघि पनि विभिन्न सरोकारवाला निकायहरुलाई ज्ञापन पत्र बुझाएको मञ्चले बिहीबार प्रदेश सांसदलाई ज्ञापन पत्र बुझाएको हो ।
महिलाको नेतृत्व तहमा पहुँच नपुग्दा सम्म उनीहरुका समस्या समाधान नहुने भएकाले महिलाको नेतृत्व तहमा पहुँच पुर्याउनुपर्नेमा आफूहरुको जोड रहेको उनले बताइन् ।
अक्सफाम नेपालको सहयोगमा रुडेस बैतडीले जिल्लाको दशरथचन्द नगरपालिका र पाटन नगरपालिकामा महिला नेतृत्व मञ्च गठन गरेर उनीहरुको राजनीतिमा पहुँच पुर्याउनका लागि पहल गरिरहेको छ ।
