बैतडी –बैतडीको सिगास गाउँपालिकामा नेपाली कांग्रेसले हरिसिंह धामीलाई फेरी उम्मेदवार बनाउने भएको छ । गाउँपालिका अध्यक्ष पदका धामीलाई उम्मेदवार बनाउने निर्णयसंगै टिकट दिइएको नेपाली कांग्रेस बैतडीले जनाएको छ ।
नेपाली कांग्रेस बैतडीका पूर्व उपसभापति समेत रहेका धामीलाई अध्यक्ष पदका लागि उम्मेदवार बनाइएको नेपाली कांग्रेसका कार्यालय सचिव अनिलकुमार बिष्टले जानकारी दिए । धामीले अघिल्लो कार्यकालमा पनि कांग्रेसबाटै अध्यक्षमा पदमा जित हासिल गरेका थिए ।
पार्टीले उम्मेदवार बनाएसंगै धामीले सिगासको समग्र विकास र समृद्धिका लागि आफ्नो उम्मेदवारी रहेको बताएका छन् । सामाजिक सञ्जाल फेसबुकमा उनले सिगासबासीको विकास र परिवर्तन चाहनालाई पूरा गर्नका लागि एक पटक सबैले बिउझिन जरुरी रहेको बताएका छन् ।
यस्तै उपाध्यक्ष पदका लागि भने सुमित्रा ऐरलाई उम्मेदवार बनाइएको छ । उनी कांग्रेसको सिगास गाउँपालिका कार्यसमितिकी उपसभापति पनि हुन् ।
