एमालेबाट दशरथचन्दको मेयरमा जोशी र उपमेयरमा नेपालीको उम्मेदवारी दर्ता
बैतडी –आसन्न स्थानीय तहको निर्वाचनका लागि नेकपा एमालेका तर्फबाट दशरथचन्द नगरपालिकाको मेयरमा पुष्करराज जोशी (लख्खाभाइ) र उपमेयरमा सरस्वती नेपालीले उम्मेदवारी दर्ता गराएका छन् ।
मुख्य निर्वाचन अधिकृतको कार्यालय पुगेर उनीहरुले उम्मेदवारी दर्ता गराएका हुन् । दुवै जना गत स्थानीय तहको निर्वाचनमा पनि मेयर र उपमेयर पदका लागि उम्मेदवार रहेका थिए । त्यो बेला जोशीले राप्रपा नेपालबाट मेयर पदमा उम्मेदवारी दिएका थिए भने नेपालीले एमालेबाटै उम्मेदवारी दिएका थिए ।
गत स्थानीय तहको निर्वाचनमा दुवै जना नेपाली कांग्रेसका उम्मेदवारहरुसंग पराजित भएका थिए ।
प्रकाशित मिति: सोमबार, वैशाख १२, २०७९ १५:५७
प्रतिक्रिया दिनुहोस्
लोकप्रीय
